gan
Lowri Jones
Ydy, mae bron yn fis Chwefror, sy’n golygu un peth – mae’r Chwe Gwlad ar y gorwel.
Ydych chi’n un o’r rheina sy’n meddwl bod unrhyw beth yn bosib i Gymru cyn i’r gic gynta gael ei chymryd? Neu ydych chi’n anobeithio’n barod gyda’n carfan amhrofiadol?
Pa bynnag ffordd ry’n chi’n ei gweld hi, ry’ch chi’n siŵr o fod edrych mlaen yn eiddgar at weld y bencampwriaeth yn dechrau. Dymar tro cyntaf i’r gwledydd ymddangos ers Cwpan y Byd. Ac mae gwledd o rygbi o’n blaenau…
Gan fod cynghrair rygbi ffantasi Cwpan y Byd Chwys wedi bod yn gymaint o sbort, ry’n ni wrthi eto. Y tro hyn, mae cyfle ganddoch chi i gyrraedd brig cynghrair ffantasi Chwe Gwlad Chwys.
Ewch ati i gofrestru eich tîm ar wefan Guinness Six Nations, a defnyddio’r cod YOXLT i ymuno â chynghrair y ffans chwaraeon.
Pob lwc i bawb.
Yn enwedig Cymru – mae angen e!