Yn dilyn ymgyrch Cwpan Rygbi’r Byd, lle bu’n rhaid cystadlu yn erbyn Elliot Dee a Ryan Elias am ei le yng nghrys rhif 2 Cymru, mae Dewi Lake bellach yn barod i ail gynnau’r fflam a wynebu’r ddau ar y cae rhanbarthol ym Mhencampwriaeth Rygbi Unedig BKT.
Dydd Sadwrn yma, fe fydd Dewi yn teithio i Rodney Parade gyda’r Gweilch ar gyfer y gêm fawr yn erbyn Dee a’r Dreigiau, yna ymhen wyth diwrnod fe fydd yn wynebu Elias a’r Scarlets yn Stadiwm Swansea.com.