Mae Clara Evans, a gynrychiolodd Cymru yng Ngemau’r Gymanwlad y llynedd a gorffen yn y nawfed safle, wedi torri record marathon merched Cymru.
Yn rhedwraig dawnus, a ddechreuodd gystadlu yn Sir Henffordd, ac ar un adeg hi oedd yn dal record byd y merched yn Parkrun.
Llwyddodd Evans i dorri record marathon merched Cymru ym Marathon Valencia, Sbaen, penwythnos diwethaf gan redeg mewn dwy awr, 25 munud a phedair eiliad.