Gyda 91 o gapiau dros ei wlad, yn agos at 300 o ymddangosiadau i’w glwb a thaith y Llewod ar ei CV, teg yw dweud bod Ken Owens yn agosach at ddiwedd ei yrfa na’i chychwyn.

Doedd dim fairytale ending, fel y maen nhw’n ei ddweud, i fod yn Ffrainc 2023. Er mawr y siom o golli allan ar gyfle i chwarae yn ei bedwerydd Cwpan Byd, mae’r bachwr 36 oed yn edrych ymlaen at weld rhai o chwaraewyr ifanc Cymru yn serennu ar y llwyfan rhyngwladol.